هل أنت مع أو ضـد.؟

أكيــــــــد مع
لانو مش بس عقد الماسنجر
الفيس بوك والتويتر وكل مواقع التواصل
سلاح والوو حدين

لو بعض الناس استخدمتو بشي غلط
ما بيخليه ممنو عالكل

طيب الي بعدي

مع * ضد
وجود علاقة قوية بين الأقارب البنات والأولاد
يعني مسلا الوحدة تكون صديقة ابن عمها مسلا
صديقـــة ؟؟؟؟

ممممممم مش شايفة فيها مشكلة صراحة

بس علاقة كأقارب مش أكتر

أوك

اللي بعدي

مع ** ضد

لبس الحجاب من بدري

مثلاً صف5

إزا شات بنــات بس يعني زي بأي منتدى بنات عادي جدا

بس شات مختلط واولاد وبنات لألألأ

طيب ::
وضع البنات صورهم عالفيس بووك ؟؟

ممممم احنا عنا جامعة وحدة مختلطة الأزهر
الصراحة ما بقدر أحدد لانو بعض البنات بيدخلوها لاشياء غير الاختلاط
يعني انا الي قرايب فيها بس كتير محترمين بنات واولاد
لكن بعض الناس بيستغلوها
لاشي تاني

طيب
خروج الشباب من المنزل
بدون انو اهلهم يعرفو لوين؟؟؟

أكيــد ضد

لانو الشباب 99% منهم صيع
والمفروض أهلهم ما يعطوهم ثقة وحرية ما الها حدود

طيب
مع* ضد

اعطاء بعض الأهالي حرية لبناتهم
يعني انو تروح عصحباتها كتير وتطش معهم زي هيك ؟

لالالالا
لازم طبعا يعطو البنت حرية
بس مش انو تطلع مع صحباتها كتييير وتطش
يعني حرية بحدود
هل أنتي مع أو ضد
الأفلام التركية اللي بيعرضوها أغلب الناس هالايام؟؟

الصراحة ما بعرف يعني انا مش شايفة اشي بالأمر

ومش هالقصة يعني ! احضرو أفلام ومسلسلات
المهم ما نتأثر فيها كتييييييير لانها بتختلف عنا

طيب مع
ولا ضد

جلوس الأطفال تحت سن 10 سنوات عالانترنت ؟؟

بالنسبة الي ضد

لانو بعتبرو نظام بيقتل الإبداع والميز وبيخلي الساقط زي المتفوق

طيب مع * ضد

تدخل الاخوة الكبار في إدارة المنزل وبالأخص بخواتهم ؟؟

أحيانا لما يكون الاخوة الصغار ما بيفهمو وبيشاغبو كتييير
أكييد اه
إعانة للام
والاب
بس مش بكل صغيرة
مع*ضد
التمييز بين البنت والولد بالعائلات؟؟
ببعضها طبعا

أكيد ضد
لانو الاسلام نادى للتساوي
صحيح انو البنت ما بيكون الها حرية زي الولد بالطلعة
بس هاد مش معناه انو ما تطلع
يعني مثلا صحبيتي عندها اخوان شباب
لما يطلعو بيطلعو لحالهم
بس هيا لما بدها تيجي عليا بيوصلها ابوها او أخوها لانها بنت وبيخافو عليها

هيك بيكون الها حرية وحقوق وبنفس الوقت بيحموها

طيب مع أو ضد

لبس البنت الكعب العالي ؟؟؟؟

أنا الصراحة كتير بحب اللبان وممكن آكلو بالشارع بس ما بكون امدغو بطريقة غريبة وملفتة

ولو كلمت حد أو شفت حد يعني بخبيه

ولو كان في شباب ما بمدغ

طيب
مع * ضد

جلوس الشباب بالشارع ؟

طبعا ضد
بيكونوا بس بيطلعوا على الرايح والجاي


طيب مع*ضد
اللي بيشربوا دخان

ضـــــــد طبعا

اول اشي حراام تاني اشي مضر بالصحة

انتي مع ولا ضد

المنتديات المختلطة ؟

ضد لانو الدين حرم الاختلاط
وممكن تسبب مشاكل كتيــــــــر

طيب مع * ضد
المسلسلات ؟؟؟؟؟

ضـــــد طبعــــــاً..
وبالزات لما تلهي عن الصلاة
اووكـ..مع او ضد
عمالة الاطفال لو كانت العيلة فقيرة؟؟

أكيد ضد
حتى لو فقيرة

يعني بيضل الطفل طفل !!
والأساس بين الأسرة
انو الأبوين هما الي بيشتغلو وبيتعبو
والطفل هو الطفل
ما في شي اسمو انو الكل يشتغل حتى الاطفال !!
الطفل ما الو دخل يعني

طييب مع * ضد
سباحة البنات بالبحر ؟؟
مش لما يكون فاضي
لما يكون مليان بني آدمين

؟؟؟

بصراحة ضد
فاضي مليان بكل الاحوال ضد
ولسا و كانت بنت أهون
من لما تكون ست كبيرة
حتى انا بستغرب من الي بدخلو البحر
يعني لو مشينا عالبحر عادي اما نسبح!
اوووكـ
مع او ضد
لو واحد حب انه يهدي بنت للاسلام
اسلمت وكل شي بس ما خلاها تتحجب..
بعني هيخليها تتحجب بس بعد ما تتعود عالاسلام شوية

ضــــــــد

لانو البنت لازم تعرف انو الحجاب مفروض عليها من اول ما تسلم

حتى تتعود عليه

اوك

مع ** ضد

شاب يتعرف على فتاة قبل الزواج

(يعني قبل ما يتزوجو لازم يتعرفو على بعض))

لأ طبعا
الخطوبة طويلة عريضة بعرفوا زي ما بدهم

بس ليش ضد انها تتحجب فيما بعد
الاسلام زات نفسه لما نزل اول شي فرض الصلاة بعدين الصوم الزكاة
بعدييين الحجاب..يعني لو بده يقلها من اول ما تدخل الاسلام هتتعقد من اولها
ولا أعتقد انها هتكمل بالاسلام

اوكـ..
مع اوضد
بطلعو البنات لحالهم على اماكن عامة؟

لمسة وفا بخصوص السباحة
احنا بنسبح دايمـــا بالبحر وبنموت فيه بس بنسبحو بوقت بيكون فاضي يعني ما في شباب أو كلاب بالمنطقة
وبعد ما نطلع بنلبس عباية لانو الاواعي بيكونو صارو بدي كتييييير ههههه
يعني برأيي هيك عادي

والحجاب أنا مع
لانو هيا لازم تتعود شوي شوي مش من أولها ينزلو فيها أشياء جديدة ! يعني بوافق لمسة وفا بهالموضوع

الأماكــن العامة

بعض الاماكن العامة بيكون عادي
يعني لو مجموعة بنات بدهم يروحو عالبلد أكيد ما في خطر عليهم لانو 24 ساعة في ناس بالشارع
وما في حد بيقدر يئزيهم
بس أماكن تانية معزولة لأ ممكن يكون خطر عليهم

والأحسن انو ما يروحو مناطق فيها شباب يروحو أماكن للعائلات

طيب
مع * ضد

استخدام " الضرب " كعقوبة ؟؟
سواء على نطاق الأسرة أو المدرسة

؟؟؟؟؟؟؟؟